اسلام آباد۔17مئی (اے پی پی):وزیر ءِ درئی کار مخدوم شاہ محمود قریشیءَ گوشت کہ سلامتی کونسل ءِ دیوان ءَ چہ پد یکجائی جار جاڑی نہ بوھگ ءِ پد ءَ سک باز رلرنجی بوتگ، امریکہ ءِ نیمگ ءَ ویٹیو بوھگ ءِ سبب ءَ اے یکجائی جار جاڑی نہ بوتگ۔ دو شمبے ءَ فلسطین ءِ جاور ھال آنی رد ءَ ارزشتی ایں بیان ءَ وزیر ءِ درئی کار ءَ گوشت کہ باندات او آئی سی ایگزیکٹو کمیٹی ءِ وزیر ءِ درئی کار ءِ دیوان ءَ ، من سہرا ئیں رنگ ءُ تل پچیں رنگ ءَ فلسطینی آنی ھلاپ ءَ اسرائیلی ظلم ءُ زوراکی آنی مذمت کت۔ آئی ءَ گوشت کہ من اے ھوالگ ءَ جتا جتائیں ملک آنی وزیر ءِ درئی کار آں ھوار امریکہ ، چین سعودی عرب، ترکی ، فلسطین ءِ گوما رابطہ کتگ ءُ پاکستان ءِ لیکہ ءَ را پیش کتگ۔ زیک چین ءِ سروکی ءَ سلامتی کونسل ءِ دیوان برجم دارگ بیت۔ آئی ءَ گوشت کہ سلامتی کونسل ءِ دیوان ءَ چہ پد یکجائی جار جاڑی نہ بوھگ ءِ پد ءَ بازیں ملک دلرنج بوتگ انت، امریکہ ءِ نیمگ ءَ ویٹو بوھگ ءِ سبب ءَ یکجائی جار جاڑی نہ بوتگ۔ یورپی ملک آنی الس آنی نیگم ءَ فلسطینی آنی ھک ءِ رد ءَ جاک کنگ بوھگ ءَ انت۔ وزیر ءِ درئی کار ءَ گوشت کہ یورپٹی یونین ءِ دیوان باندات گوانک جنگ بوتگ۔ اسرائیلی ظلم ءُ زوراکی ءَ را ھرچی مذمت کنگ بہ بیت کم انت۔ وزیر ءِ درئی کار ءَ گوشت کہ پاکستان ءِ سہرائیں لیکہ ات۔ مرچی مسلمان آنی یکوئی ءِ چکاس انت۔ بنی آدمی ھک آنی پھریزوکیں گل آناں دو تل ءُ دو پوستیءَ را ھلاس کنان ءَ فلسطین ءِ گوما ھمگام ءَ اوشتگی انت۔
