اسلام آباد۔16مئی (اے پی پی): مزن وزیر عمران خان ءَ میاں اوستمانی بینک ءِ نیمگ ءَ احساس ایمرجنسی یکیش پروگرام ءِ شمار میاں اوستمانی تک ءَ اولی چار ٹوھیں چاگردی رکھینگی پروگرام آنی لڑ ءَ کنگ ءِ پد ءَ ھاسیں کمکار سینیٹر ڈاکٹر ثانیہ نشتر ءُ احساس ٹیمب ءَ را مبارک بات دیان ءَ گوشت کہ آئی ءِ بے مٹیں کار ءُ ازمت آنی سبب ءَ اے سہرائی رستگ۔ اے گپ مزن وزیر ءَ وتی یک شمبے ءِ روچ ءَ جاڑی کتگیں ٹویٹ ءِ اندر ءَ گوشت انت۔ آئی ءَ گوشت کہ میاں اوستمانی تک ءَ کوویڈ -19 ھوپ ءَ گوں گر ءُ چیل بوھگ ءِ واستہ چاگردی رکھینگی پروگرام ءِ یک رپوٹ ء، جاڑی کنگ بوتگ۔ اے رپوٹ ءِ اندر ءَ لیونگ پیپر گوشگ بیت ایشی ءِ اندر ءَ 18 شریکداریں ادارگ بنت۔ اے رپوٹ ءِ اندر ءَ گوشگ بوتگ کہ 20 مارچ 2020 ءَ چہ 14 مئی 2021 ءِ نیام ءَ چاگردی رکھینگی گامگیج آنی تہ ءَ گیشی بوتگ ءُ 222 ملک یا پڑ آنی تہ ءَ ھواریں رنگل ءَ 3333 چاگردی منصوبگ جوڑ کنگ بوتگ یا ایشاناں پد ءُ رند کنگ بوتگ۔ مردم آنی ھوار بوھگ ءِ کچ ءُ کساس ءَ پاکستان میاں اوستمانی تک ءِ رد ءَ چارمی نمبر ءَ انت ءُ 100 ملین ءَ چہ گیش آباتی ءِ ھواری ءِ رد ءَ میاں اوستمانی تک ءَ پاکستانی ءِ سیمی نمبر انت۔ میاں اوستمانی بینک ءِ رد ءَ اے رد ءَ ایوک ءَ گچیینیں ملک آں 6 ششمی نمبر در جتگ۔ پاکستانی ءِ احساس ایمرجنسی کیش پروگرام ایشانی تہ ءَ یک ات۔ اے پیپر بنجاھی نبشتہ کار یوگو جینٹیلینی انت آ میاں اوستمانی بینک ءَ چاگردی رکھینگ ءِ شوبگ ءِ سروک انت۔
