کراچی۔15مئی (اے پی پی):صدر مملکت ڈاکٹر عارف علوی ءِ سروکی ءَ گورنر گس ءَ کورونا ءِ ھوالگ ءَ حکومتی گامگیج آنی ھوالگ ءَ مزن تکی چار ءُ تپاسی دیوان ءِ برجم دارگ بوت۔ دیوان ءَ گورنر سندھ عمران اسماعیل ، بنجاھی وزیر اسد عمر، علی حیدر زیدی ، سینیٹر سیف ابڑو، راجی اسمبلی ءِ باسک جے پرکاش، صوبائی اسمبلی ءِ باسک فردوس شمیم نقوی ، حلیم عادل شیخ ، خرم شیر زمان، بلال غفار، سعید آفریدی ءَ ھوار ایندگر ھم ساڑی اتنت۔
بنجاھی وزیر منصوبگ بندی، دیمروئی ءُ ھاسیں گامگیج، اسد عمر ءَ دیوان ءَ کورونا وائرس ءِ ھوالگ ءَ حکومتی گامگیج آنی سر ءَ چار ءُ تپاسی ءُ آیوکیں باندات ءِ گامگیج آنی بابت ءَ سرجمیں بریفنگ دیان ءَ گوشت کہ حکومت ءِ جوانیں گامگیج آنی بابت ءَ کورونا وائرس ءَ جوانیں کمی سہرا بوھگ ءَ انت۔ آئی ءَ گوشت کہ ائید ءِ موہ ءَ کورونا ایس ءُ پیز آنی پد ءُ رندی ءَ چہ کورونا کیس آنی تہ ءَ جوانیں دلجمیں کمی بوتگ ایش حکومت ءِ کامیاتی انت۔
