اسلام آباد۔15مئی (اے پی پی):پاکستان تحریک انصاف ءِ وائس چیئرمین ءُ وزیر درئی کار مخدوم شاہ محمود قریشی ءَ پی ٹی آٰئی ءِ کوھنیں باسک ءُ بنجاھی ڈپٹی سیکرٹری اھوالکاری زاہد حسین مہمند ءِ بیرانی ءِ پد ءَ دلپدردی ءِ درشان کتگ۔ شمبے ءِ روچ ءَ وتی دلپدردی کلوہ ءَ وزیر ءِ درئی کار ءَ گوشت کہ زاہد حسین مہمند وڑیں کوھنیں ءُ ساپ دلیں باسک آنی روگ ءَ چہ باز ڈکھ ءُ تکلیف بوتگ ۔ وزیر ءِ درئی کار ءَ ھدا مرزی زاہد حسین مہمند ءِ گس ءِ مردم آنی گوما دلپدردی ءِ درشان کت ءُ دعا کت کہ اللہ تعالیٰ آئی ءِ آکبت ءَ ھیر بکن آت ءُ پشمندگ آناں سگ ءُ اوپار کشی ءِ زکت ءَ بدیات۔
