اسلام آباد۔15مئی (اے پی پی): وزیر ءِ مملکت اھوالکاری ءُ شنگ کاری فرخ حبیب ءَ گوشت کہ رنگ روڈ ءِ ھوالگ ءَ شور کنگ انچو سما بیت کہ دُز ءَ کوکار ءَ انت کہ بیا دُز ءَ بگر ات، مزن وزیر عمرنا خان ءَ رنگ روڈ منصوبگ ءَ جوانیں درور ءِ نکش کتگ۔ شمبے ءِ روچ ءَ مریم اورنگزیب ءِ بیان ءِ پسو ءَ وزیر ءِ مملکت فرخ حبیب ءَ گوشت کہ ن لیگ ءِ دور ءُ باریگ ءَ 36 کمپنی آنی سکینڈل، رائے وند روڈ ءِ سر ءَ اربانی کلدار جنگ بوتگ، جاتی عمرہ محل ءِ سر ءَ اربانی کلدار ھرچ کنگ بوتگ، کیمپ آفیسز جوڑ کنگ بوتگ۔ اے جیڈھ ءِ انکوائری کنگ ءِ توفیق نہ بوتگ، اچ وزیر ءِ سر ءَ کیس جوڑ کنگ نہ بوتگ، آئی ءِ دور ءَ مدام آس جنگ بوتگ، ایل ڈی اے پلازہ ءَ میٹرو ءِ ریکارڈ سوچگ بوتگ۔ آئی ءَ گوشت کہ فیکٹ فائنڈنگ کمیٹی ءِ انکوائری کنان ءَ رپوٹ پبلک کتگ ءُ دو ارب ءِ لینڈ ایکوزیشن ءِ جیڈھ نیب ءَ را روان دیگ بوتگ، زمہ واریں بیورو کریٹس آناں اگدہ آں چہ در کنگ بوتگ، آوانی سر ءَ محکمہ آنی استیں کانود ءِ رد ءَ کاروائی بیت ءُ نیب ھم پٹ ءُ پول کنت۔
