اسلام آباد۔15مئی (اے پی پی):چئیرمن سینیٹ سینیٹر صادق سنجرانی ءَ گوشت کہ پاکستان ءِ استیں حکومت کاروباری ءُ دیمروئی ءِ موہ آناں ودینگ ءِ واستہ افریقہ ءِ سر ءَ ھاسیں دلگوشی دیگ ءَ انت، سینیٹ سیکرٹریٹ ءِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ شمبے ء روچ ءَ جبوتی ءِ تر ءُ تاب ءِ ساھت ءَ سوگندی دیوان ءَ اتکگیں یونین آف کوموروس ءِ صدر ایزلی اسومانی ءَ گوں گند ءُ نند ءِ ساھت ءَ تران کنان ءَ کت۔ چیئرمین سینیٹ ءَ یونین آف کوموروس ءِ صدر ءَ را پاکستان ءِ تر ءُ تاب کنگ ءِ دعوت ھم دیگ بوت۔ آئی ءَ گوشت کہ مقبوضہ کشمیر ءُ فلسطین ءَ کودکیں مردم آنی سر ءَ ارش ءُ لگت مالی ءِ ھلاپ ءَ گوانک چست ءِ ضلورت ءِ سر ءَ زور پرد دیان ءَ گوشت کہ اے ناروائیں سلوک آناں سرجمیں دگنیا ءِ دیم ءَ سہرا کنگ لوٹ ایت، چیئرمین سینیٹ ءَ پاکستنای کمیونٹی ءِ شپ ءِ شام ءِ دعوت ءَ ھم شرکت کت ءُ اے ساھت ءَ پاکستان ءِ سفیر محمد فاروق ھم گند ءُ نند ءَ چیئرمین سینیٹ ءِ ھمبراھ ات۔
