اسلام آباد۔15مئی (اے پی پی): وزیر ءِ تہی کار شیخ رشید احمد ءَ گوشت کہ شہباز شریف ءَ ڈن ملک ءَ علاج ءِ واستہ اچ رنگیں میڈیکل رپوٹ پیش نہ کتگ، کسانیں ائید ءِ چھٹی آنی ساھت ءَ پاک فوج، پولیس ءُ ایندگر ادارگ آں جوانیں گامگیج کتگ ءُ الس آں ایس او پیز آنی سر ءَ پد ءُ رند کتگ، شمبے ءِ روچ ءَ وتی بیان ءَ آئی ءَ گوشت کہ پاکستان ءَ کورونا وائرس ءِ کساس کم بوتگ، بھارت ءِ بیم ناکیں وائرس یوکے ءَ تاں شنگ ءُ تالان بوتگ، آئی ءَ گوشت کہ شہباز شریف ءِ ھوالگ ءَ گوستگیں بازیں روچاں چہ میڈیا ءَ جاک ءُ کوکار انت، انوگ ءَ تاں شہبازشریف ءِ نام ای سی ایل ءَ مان نہ کتگ، سمری کیبنیٹ ڈویژن ءَ چہ واتر نہ اتکگ، سئے شمبے یا چار شمبے ءَ اتک کنت۔ اے کیس ءَ پیسر ءَ چہ 14 کس آنی نام ای سی ایل ءَ انت۔ اے ھاندان ءِ پنچ ڈنگ باگی انت ، وزیر ءِ تہی کار ءَ گوشت کہ شہباز شریف وت نواز شریف ءِ گارنٹر انت، آ تچک ءَ لندن ءَ روگ ءَ نہ بوتگ، 15 روچ ءَ گتر ءَ قرنطینہ ءَ چہ پد یوکے ءَ روگی بوتگ۔ مئے کرا آئی اچ رنگیں میڈیکل رپوٹ نہ اتکگ، سمری ءِ سر ءَ پیسلہ لا ءُ تہی کارانی وزارت کنت انت ءُ پیسلہ کانود ءِ رد ءَ بیت۔
