اسلام آباد۔15مئی (اے پی پی): وزیر ءِ مملکت برائے ایٹماسپیئر مٹ ءُ بدلی زرتاج گل ءَ گوشت کہ مزن وزیر عمران خان رنگ روڈ ءَ شکاست آنی سر ءَ وت نوٹس زرتگ ءُ کاروائی کتگ، کرپشن ءَ گوں دست مانجنیں ن لیگ وتی دور ءُ باریگ ءَ اے وڑٰں بازیں درور نکش کتگ۔
اے ھیالانی درشانی آئی ءَ شمبے ءِ روچ ءَ مسلم لیگ ن ءِ سروک مریم اورنگزیب ءِ بیان ءِ پسو ءَ درشان کت۔ آئی ءَ گوشت کہ پاکستان ءِ راجدپتر ءَ اولی رند ءَ اے وڑٰیں ٹوھیں منصوبگ ءِ سر ءَ چو زوتی ءَ کاروائی بوتگ۔ رنگ روڈ ءَ را وتی گس ءِ کشک ءِ واستہ جوڑ کنوک شریف برادرز مزن وزیر عمران خان ءِ ساپ ءُ سلہ ئی ءَ کاروائی ءَ چہ بیم ءِ آماچ بوتگ انت۔ آئی ءَ گوشت کہ ن لیگ ءِ ترجمان نہ پھمگ ءَ انت کہ مزن وزیر عمران خان ءِ سر ءَ چتور کیاسگری بکنت انت۔
