سرجمیں راج گوں فلسطینی اُلس ءِ ہمراہ اِنت، کشمیر ءُ فلسطین ءِ مسلمان یک روچے الم ءَ آجو بنت، تہی کارانی وزیر شیخ رشید احمد ءِ عالم اسلام ءُ سرجمیں راج ءَ را ائید ءِ مراد بات

اسلام آباد۔13مئی (اے پی پی): تہی کارانی وزیر شیخ رشید احمد ءَ گشتگ کہ سرجمیں راج گوں فلسطینی اُلس ءِ ہمراہ اِنت، کشمیر ءُ فلسطین ءِ مسلمان یک روچے الم ءَ آجو بنت، اُلس چہ کورونا ءَ رکگ ءِ ھاترءَ ایس او پیز ءِ سرءَ عمل بہ کن اَنت، شہباز شریف ءِ نام ءَ را ای سی ایل ءَہوار کنگ ءِ ھاترءَ سمری کابینہ ءَ را روان داتگ۔ اے ھیالانی درشانی آئی ءَ لال حویلی ءِ ڈن ءَ گوں میڈیا ءِ نمائندگاں گپ ءُ تران کنان ءَ کتگ۔ دری کارانی وزیر شیخ رشید احمد ءَ گشتگ کہ عالم اسلام ءُ سرجمیں راج ءَ را ائید مراد بات۔ آئی ءَ گشتگ کہ عمران خان ءِ حکومت ءُ سروکی ءَ ڈل سعودی عرب ءَ شتگ کہ آئی ءِ تہا من ہم ہوار بوتگ اَں، اللہ تعالیٰ ءَ مارا عزت داتگ کہ مئے ھاترءَ کعبہ ءُ روضۂ رسول صلی اللہ علیہ وسلم ءِ دروازگ پچ بوتگ اَنت، اے اللہ تعالیٰ ءِ حاسیں مہربانی اِت مئے سرءَ ۔