اسلام آباد۔13مئی (اے پی پی): بنجاھی وزیر اھوالکاری ءُ شنگ کاری فواد چوہدری ءَ ائید ءِ روچ ءَ فلسطینی سفارتخانہ ءِ تر ءُ تاب کت ءُ پاکستان ءَ پوسٹیں فلسطین ءِ سفیر احمد ربائی ءَ گوں گند ءُ نند کت۔ بنجاھی وزیر فواد چوہدری ءَ مزن وزیر ءِ نیمگ ءَ فلسطین ءِ الس ءِ گوما یکوئی ءِ کلوہ پجارینت۔ آءی ءَ گوشت کہ اے ائید ءِ موہ ءَ پاکستان ءِ سرجمیں راج فلسطین ءِ الس آنی گوما ھمگام ءَ اوشتاتگ۔ پاکستان ءِ سرجمیں راج فلسطین ءَ جاڑیگیں اسرائیلی ظلم ءُ زوراکی ءِ رد ءَ جاک ءُ کوکار ءَ انت۔ آئی ءَ گوشت کہ فلسطین ءَ را ھمک تک ءَ پاکستان ءَ حکومت ءِ کمک گون انت۔ آئی ءَ گوشت کہ مزن وزیر پاکستان عمران خان بزات وت فلسطین ءِ جاور آنی سر ءَ چار ءُ بچار کنگ ءَ انت، مزن وزیر فلسطین ءِ جیڈھ ءِ سر ءَ یک شل ءَ اسلامی ریاست ءِ سروک آں گوں رابطہ ءِ توک ءَ انت۔ فواد چوہدری ءَ گوشت کہ مزن وزیر ءَ ترک صدر طیب اردوان ءُ سعودی ولی محمد بن سلمان ءَ گوں رابطہ کتگ ءُ فلسطین ءَ استیں اسرائیلی کشاں چیل ءُ میاں اوستمانی تک ءَ اے گپ ءَ را سہرا کنگ ءِ جزم ءِ درشان کتگ۔ فلسطینی سفیر احمد ربائی ءَ فواد چوہدری ءَ گوں پاکستان ءِ فلسطینی الس آنی گوما یکوئی ءِ درشان کتگ۔
