راولپنڈی۔22مارچ( اے پی پی) پاک فوج ئِ آپریشن ردالفساد ئِ تہا اورکزئی ایجنسی ئَ بندش جتگیں تحریک طالبان پاکستان ( ٹی ٹی پی) ئِ لوٹ بوتگیں کمانڈر ئَ ھوار 5ناشرکار جنگءُ کشگ بوتگ اَنت، یکے دومی ئِ سرئَ تیرگواری کنگئَ پاک فوج ئِ میجرءُ سپاہی شہید بوتگ اَنت۔ پاک فوج ئِ شعبہ تعلقات عامہ ( آئی ایس پی آر) ئَ گشتگ کہ ایف سی خیبر پختونخوا ئَ اورکزئی ایجنسی ئِ میتگ میرک کلیاں ئَ ھال سر بوھگ ئَ آپریشن کتگ کہ ایشیئِ تہا لوٹ بوتگیں ٹی ٹی پی کمانڈر دران ءُ آئی ئِ 4ھمراھ جنگءُ کُشگ بوتگ اَنت۔ تیرگوار کنگئَ پاک فوج ئِ میجر مدثر ءُ سپاہی مطیع اللہ شہید بوتگ اَنت۔ آئی ایس پی آر ئَ گشتگ کہ ٹی ٹی پی کمانڈر دران ناشرکاری ئِ بازیں کاروائی آنی تہا ھوار بوتگ کہ آئی ئَ را اوگانستان ئَ چہ مرچی اورکزئی ایجنسی ئَ بوھوکیں نوروز جلسہ آنی سرئَ اُرش ءُ سلاھ دور دیﺅکاناں وج کنگ ءُ کُشگئِ ٹاسک دیئگ ءُ دیم دیئگ بوتگ۔
