اسلام آباد۔13مئی (اے پی پی): مزن وزیر عمران خان ءَ مسلمان آناں کسانیں ائید ءِ موہ ءَ مبارک باتی داتگ ءُ گوشت کہ اے ائید باز جتا انت ءُ مارا ایشرا جتائیں رنگ ءَ گوازینگی انت۔ پنچ شمبے ءِ روچ ءَ وتی ٹویٹ ءَ مزن وزیر عمران خان ءَ گوشت کہ اے ائید یک ءِ وا اے رنگ ءَ جتا انت کہ کورونا ءِ ھوپ شنگ بوتگ، ما پاکستان ءَ ایشرا شنگ ءُ تالان بوھگ ءَ دارگ ءِ واستہ کامیات بوھگ آں، ھمے ھاترا الس ایس او پیز آنی پد ءُ رند ءَ بکن انت۔ مزن وزیر ءَ گوشت کہ اے ائید اے رد ءَ ارزشتی انت کہ ما درست اے کسانیں ائید ءِ وشیں ساھت ءَ کشمیر ءُ فلسطین ءِ وتی برات ءُ گہار آنی گوما یکوئی ءِ درشان ءَ بکن آں، آ لگت مالی ءِ آماچ انت۔
