سلام آباد۔13مئی (اے پی پی):صدر مملکت ڈاکٹر عارف علوی ءَ اسرائیلی ارد ءِ نیمگ ءَ مسجد اقصی ءِ سر ءَ ارش کنگ ءِ واکیہ ءَ را ترندی ءَ گوں ایراد گپتگ ءُ گوشتگ کہ اسرائیلی گامگیج بنی آدمی ھک، میاں اوستمانی کانود ءُ بنی آدمی شرپ ءُ ازت جھل کپتگیں واکیہ ات، پاکستان فلسطینی آنی ھلاپ ءَ اسرائیلی لٹ ءُ کُٹ ءُ گیر کانودی گامگیج آناں گیشاں چہ گیش مذمت گپت، فلسطین ءِ ھک آنی واستہ میاں اوستمانی برات آناں ٹوھینگ ءِ واستہ وتی کوشست آناں جاڑی دار ایت۔ اے ھیالانی درشانی آئی ءَ پنچ شمبے ءِ روچ ءَ صدر محمود عباس ءِ نام ءَ وتی نمدی ءَ گوشت۔ صدر ءِ مملکت ڈاسکٹر عارف علوی ءَ رمضان ءَ استیں اسرائیلی فوج ءِ نیمگ ءَ مسجد اقصیٰ ءِ سر ءَ ارش کنگ ءَ را مذمت گپتگ۔ صدر ءِ مملکت ءَ اے ویئل ءِ تہ ءَ شہید بوتگیں مردم آنی واستہ اپسوزی ءُ ٹپیگ آنی زوت جان سلامتی ءِ واستہ دعا ءِ نیک کتگ۔
