مزن وزیر عمران خان ءِ فلسطینی صدر ءَ گوں ٹیلی فون ءِ سر ءَ تران کت، اسرائیلی ارش آنی ھلاپ ءَ میاں اوستمانی برات آناں  دلگوش کنگ ءِ کوشست ءِ دل یکیمی

اسلام آباد۔13مئی (اے پی پی): مزن وزیر عمران خان ءَ فلسطینی الس آنی ھک ءُ آوانی وت واجئی جہد ءُ کوشست ءِ واستہ پاکستان ءِ کمک کنگ ءِ جزم ءِ درشان کت۔  آئی ءَ اے جزم ءِ درشان پنچ شمبے ءِ روچ ءَ فلسطینی صدر محمود عبداس ءَ گوں ٹیلی فون ءِ سر ءَ تران کنان ءَ کت۔ مزن وزیر عمران کان ءَ فلسطینی صدر ءَ گوں فلسطین ءِ استیں جاور ھال آنی سر ءَ ھیال ریچی کت۔ آئی ءَ فلسطینی الس آنی ھک  ءُ ایشانی وت واجئی ءِ واستہ پاکستانی ءِ کمک کنگ ءِ جزم ءِ درشان کت۔  مزن وزیر ءَ بے کسوریں نمازی آنی سر ءَ ارش ءُ غزہ ءَ اسرائیل ءِ نیمگ ءِ  ٹوپ ءُ وتاس آنی سر ءَ ارش کنگ ءَ را سک باز مذمت کت ایشی ءِ نتیجگ ءَ بازیں زھگ ءُ مردم بیران بوتگ انت۔  مزن وزیر ءَ دل یکیمی کت کہ پاکستان ھمک پڑ ءَ فلسطین ءِ گوانک ءَ را سہرا کنت۔   دوئیں سروک آں استیں جاور ھال  ءُ  شور ءُ مشور جاڑی دارگ  ءِ ھوالگ ءَ تپاک کت۔