عید الفطر مارا ھُدا وند ءِ شگر ءُ منت گرگ ءِ جوانیں موہ  پجاری کنت، سپیکر ءُ ڈپٹی سپیکر راجی اسمبلی ءِ مبارک بات

اسلام آباد۔13مئی (اے پی پی):سپیکر  راجی اسمبلی اسد قیصر ءُ ڈپٹی اسپیکر راجی اسمبلی قاسم خان سوری ءَ کسانیں ائید ءِ جوانیں موہ ءَ راج ءَ را مبارک بات دیان ءَ گوشت کہ کسانیں ائید مارا اللہ تعالیٰ ءِ شگر ءُ منت گرگ ءَ  باز موہ  پجاری کنت،  ایش مارا ماہ ءِ رمضان بزاں روچگی ماہ  ءِ روچگ دارگ، عبادت کنگ،  ءُ ضلورت مند آنی گیش کمک کنگ  ءِ توفیق  داتگ۔ اسپیکر ءَ گوشت کہ ائید  ءِ روچ مارا درستانی واستہ وشی زور ایت کار ایت پدا  ھم ائید ءِ راستیں وشی اے وھد ءَ رس ایت وھد ءِما وتی کش ءُ کرا استیں گریبیں برات ءُ گہار آنی ھیال داری  ءَ بکن  انت ءُ آئی  ءَ وتی وشی آنی تہ ءَ ھوار بکن انت۔ آئی ءَ گوشت  کہ یک مھکمیں اسلامی گہبودی چاگرد ءِ جوڑیشت ءِ واستہ چاگردی ناانصافی آنی ھلاسی ءُ  وت مہ وتی  ءُ براتی ءِ دیمروئی ءِ واستہ کرد پیلو کنگ ءِ ضلورت انت۔ آئی ءَ گوشت کہ  ائید وشیں روچ ات  اے روچ ءَ توامیں مسلمان آناں دیمروئی ءُ وشھالی ءِ واستہ دعا ءِ نیک  بہ لوٹ انت۔  آئی ءَ گوشت کہ اللہ تعالیٰ ءَ گوں  دعا  انت کہ مسلمان آناں راستیں  کشک ءَ روگ ءِ توفیق ءَ بدیات ءُ  ایشاناں  ھمک ھرابی ءَ چہ بہ رکھین آت۔