اسلام آباد۔13مئی (اے پی پی): مزن وزیر عمران خان ءَ خادم الحرمین الشریفین شاہ سلمان بن عبدالعزیز السعود ءَ را چار شمبے ءِ روچ ءَ ٹیلی فون کت ءُ تران کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءَ وتی سعودی تر ءُ تاب ءِ ساھت ءَ وتی ءُ وتی ڈل ءِ جوانیں رنگ ءَ وش اتک کنگ ءُ جوانیں میزبانی کنگ ءَ خانہ کعبہ ءُ روضہ رسول پاک صلی اللہ علیہ وسلم ءِ توک ءَ پترگ ءِ موہ پجاری کنگ ءُ کامیاتیں تر ءُ تاب ءِ پد ءَ مبارک بات دیان ءَ سعودی فرمانروا ءِ شگر ءُ منت گپت۔ مزن وزیر ءَ سعودی ولی شہزادہ محمد بن سلمان ءَ گوں وتی استیں گند ءُ نند ءِ تران کنان ءَ دوئیں ملک آنی نیام ءَ مھکمیں ، براتی ، یکوئی ءِ درشان کت ءُ پاکستان ءِ سعودی عرب ءِ سروکی ءِ گوما جھلانکیں نزیکیں ءِ درشان کت، دوئیں سروک آں دو نیمگی ارزشت آنی درشان کت ءُ وت مہ وتی واھگی جتا جتائیں شوبگ آنی تہ ءَ کمک ودینگ ءِ کار رپک آنی سر ءَ ھم تران کنگ بوت۔ مزن وزیر عمران خان ءَ شاہ سلمان ءِ تر ءُ تاب پاکستان ءِ دعوت ھم دات، دوئیں سروک آں براتیں ملک آنی نیام ءَ مزن تکی روگ ءُ آیگ آنی جاڑی دارگ ءِ ھوالگ ءَ تپاک ھم کت۔
