اسلام آباد۔ 12مئی(اے پی پی) بنجائی وزیر حوالکاری و شینکاری چوہدری فواد حسین پارینے کہ منہ مسکوہی بابوتاوزیراعظم ءِ نوشتہ کروک آ چھٹی آ حیران اُٹ، تحریک انصاف پیشن نا ملک پاکستانی خاص کر مزورآتون ہرحال اٹ سلک۔ بنجائی وزیر چوہدری فواد حسین تینا ٹویٹ اٹی پارے کہ رویہ غاتے بدل کننگ نا گرج ءِ، لس مخلوق تون ننا بیوروکریسی نا سلوک قطعی وڑاٹ قابل رشک اف دا عمومی غاو اسے و سفارتخانہ غاک ہم داڑآن تینے کشنگ کپسہ۔ بشخ اسے آنبار سفارتخانہ غاتے ٹی ہم بھاز جوان ءُ آفیسرارے۔ ولے مسکوہی دور اٹ پاکستانی تتون ہرسلوک ءِ روا تخنگاکہ اوفتیاداستان لکھنگ مریک۔ اوپارے کہ عمران خان ءِ کریڈک ملک،او لس مزور نا ڈکھیائی ءِ محسوس کرے و اینو پاکستان نا سفارت خانہ غاک تینا مزور و لس شاری تے جوابدہ ءُ۔
