اسلام آباد۔ 12مئی (اے پی پی) وزیر مملکت حوالکاری و شینکاری فرخ حبیب پارینے کہ بلاول صاحب نابیرہ اسہ لائخی اس مون آ بسنے او پرچی(وصیت) آ چیئرمین مننگ ولے تدوک آ 13سال آن پدریسہ صوبائی حکومت مننگ آن پد ہم سندھ انا غریب آتا حالت ءِ جوان کننگ کتو، بلاول صاحب نی و ناسندھ حکومت ہراڑے کن ءِ، زرس پاننگ ءِ جوان سمجھیسہ کہ کراچی، لاڑکانہ، سکھر و حیدرآباد تون اوار مچ آ سندھ انا الس ءِ مافیا، گرانفروش آتا دوتے اٹ اخس اٹ بہاکریس۔ چارشنبے نادے آ تینا بیان اٹی وزیر مملکت حوالکاری و شینکاری فرخ حبیب پارے کہ سندھ انا حکمران ہنین ءُ تغ اس کرسا کریر و روچہ نا تُو اٹی ہم سندھ انا الس کبینی ٹی اختہ ئسر، دامشورہ ءِ کہ سندھ حکومت بلاول بھٹوو اونا خاہوت نا پروٹوکول،خاطرمدارت اٹ اختہ مننگ آن فارغ مرے تو سندھ، حیدرآباد تون اوار مچ آ سندھ انا سوزی، فروٹ منڈی و لس مارکیٹ آتاکنڈآ کائے۔ اوپارے کہ داگڑتی نا ہیت اسے کہ سندھ اٹی المی آ گڑاتا نہاد آتا نسبت لس مارکیٹ نا نہاد 85درسد زیات ءِ۔ اوپارے کہ ادارہ شماریات پاکستان نا رداٹ اینو ہم سندھ اٹی زندہ ککڑ385روپئی، ککڑ نا سُو 550روپئی و سرکاری نرخ 138روپئی ءِ، سندھ اٹی نت انا 20کلوتھیلا1300روپئی ٹی ہم بھاز مشکل اٹ ملنگ ءِ۔ اوپارے کہ مچ آ سندھ اٹی پال 130روپئی کلو سودا مننگ ءِ حالانکہ سندھ ہائیکورٹ تازہ پال انا نہاد ءِ فی کلو 94 مقررکریسس، سندھ حکومت داڑآہم عملدرآمد اٹی بے سہب مس۔ وزیر مملکت حوالکاری و شینکاری فرخ حبیب پارے کہ کراچی تون اوار سندھ انا چندی بشخ آتے ٹی مٹن فی کلو 1400سودا مننگ ءِ سرکاری نرخ فی کلو 750روپئی ءِ، ہژدہ می ترمیم آن پدنہادآتے کنٹرول کننگ صوبہ غاتا زمواری ءِ۔ اوپارے کہ پاکستان تحریک انصاف نا فلیگ شپ پروگرام ”احساس“ نا رداٹ غٹ آن زیات کمکی، زر سندھ اٹی بشخننگانے، مستین اٹ بے نظیر انکم سپورٹ پروگرام اٹ کرپشن نا پوسکن ءُ ریکارڈ اس جوڑ مسنے، بلاول صاحب، نا بامس آن شیف غٹ آن زیات خوردبرد بے نظیر انکم سپورٹ پروگرام اٹی مس، داڑآ نا پراسرار خاموشی سوج انا نشان اسے۔ اوپارے کہ بلاول صاحب، نے یات مروئے لاڑکانہ نا شونداری پروگرام اٹی خوردبرد آ فاضل جج ریمارکس تسوسس کہ ڈائین ہم 7اُراءِ ہلک۔ نا سرپرستی ٹی نا زیراثر مخلوق 14ارب نا خولمءِ کنگر ودا باندات ءِ داپارسا ٹھپ کریرکہ 14ارب نا خولم تے اَلک کنگونو۔ وزیرمملکت حوالکاری و شینکاری فرخ حبیب پارے کہ او منی گروپ کرپشن و ایان علی منی لانڈرنگ نا خاص پہچان جوڑ مسنے، سندھ حکومت نا آشیر بادآن نیب اٹی پلی بارگین کروک آ آفیسر آک داتم اسکان بڑزکو عہدہ غاتیا ٹی ءُ و جوان دیہاڑی خلنگ انگءِ۔
