اسلام آباد۔ 12مئی(اے پی پی) وزیراعظم عمران خان غزہ و فلسطین نا الس تون یکجہتی نا درشانی ءِ کرسا پارینے کہ او غزہ و فلسطین تون سلوک ءِ۔ چارشنبے نادے آ ٹویٹرآ وزیراعظم عمران خان فلسطین و غزہ نا الس تون یکجہتی و وابستگی نا درشانی ءِ کرسا اسہ سوگو ءُ ”کلہو اس تس، عمران خان نوشتہ کرینے“ ای وزیراعظم پاکستان اُٹ و نن غزہ و فلسطین تون سلوک اُن۔ اوتینا ٹویٹ اٹ پنی آ مفکر و دانشور نوم چومسکی نا قول ءِ ہم شیئر کرے ہراٹی او آزاد فلسطین نا مخ تفی ٹی نوشتہ کرینے کہ”نم کنا دِیر ءِ کونیرے، کنا زیتون نا درخت آتے ہوشیرے، کنا اُراءِ تباہ کیرے، کنے آن کنا روزگار ءِ پلرے، نی کنا گل زمین کنے آن پلارے، کنا باوہ ءِ قید اٹ شاغارے، کنا لمہ ءِ خلکورے و کنا ملک آ بمباری کریرے، ننے غٹ ءِ لنگڑی آن خلبوولے داکان پد ہم دوبہ تو کنے آ لگک کہ ای اسہ راکٹ اس فائر کرینٹ۔
