اسلام آباد۔ 11مئی (اے پی پی) وزیراعظم عمران خان دوٹوک وڑاٹ پارینے کہ بور ہ مافیا ءِ ہچ ءُ حالیت اسے ٹی این آر او تننگ مفک، شوگر ملز مالک آتے الس نا جیب تیا ڈاکہ خلنگ کن الیپنہ، اوداخیال آتا درشانی ءِ سے شنبے نادے آ ٹی وی آ”نما وزیراعظم، نم تون اوار“ پروگرام اٹی براہ راست الس نا سوج آتا ورندی ءِ ترسا کرے۔ وزیراعظم پارے کہ ملک انا غٹ شوگرملز زوراور تپہ نا ءُ ہراکارٹل جوڑ کیرہ و تینا فائدہ غاتے کن زوراور تپہ یکجامریک۔ وزیراعظم باوری کرفے کہ بورہ نا باندات اٹی جاست وپاست نا بابت کس اس تون ناانصافی مفک ولے کس اسے تون رعایت ہم مفک۔
