اسلام آباد۔ 11مئی (اے پی پی) وزیراعظم عمران خان پارینے کہ زوراور تپہ ءِ کانود نا تابع اتنگ جہاد نا بریبر تکنگک۔ کانود نا بالادستی آن بیدس ہچ ءُ راج اس شون ہلنگ کپک، پاکستان تحریک انصاف نا بنداوءِ بریبرانصاف کن تخنگانے ہنداخاطرآن او ملک اٹ کانود نا حکمرانی و آسودہی ریاست نا ٹہیفنگ کن کوشست کننگ ءِ، اوداخیال آتا درشانی ءِ سے شنبے نادے آ ٹی وی آ ”نما وزیراعظم، نم تون اوار“پروگرام اٹ براہ راست الس نا سوج آتا ورند ی ءِ ترسا کرے۔ اوپارے کہ ریاست مدینہ منورہ ٹی کانود نا حکمرانی نا اصول کارفرمائس۔ ہنداخاطرآن او بنی نوع انسان کن اسہ بے مٹ ءُ راج اس جوڑ مس۔ وزیراعظم عمران خان پارے کہ تاریخ اٹ ہموقوم تا پن ہم سلوک اف ہراڑے کانود نا بالادستی الوکہ۔ ہراتم ملک اناحکمران قومی خزانہ ءِ پلنگ نا بناکیک تو او ملک بھس مریک نیزگار ملک آتے ٹی زوراور حکمران کرپشن و منی لانڈرنگ اٹ اوار مسنو۔ نیزگار ملک آتے ٹی سالانہ کم و ود اسہ ہزار ارب ڈالر نا منی لانڈرنگ مریک اوپارے کہ کانود ناحکمرانی نامطلب نزور ءِ زوراور نابرخلاف رکھ فراوان کننگ ءِ۔ شون ہلوک ملک آتا شونداری نا راز کانود نا بالادستی ٹی اودیم ءِ۔ اوپارے کہ پاکستان تحریک انصاف نا بنداو ءِ بریبرانصاف کن تخنگانے ہنداخاطرآن او ملک اٹ کانود ناحکمرانی و فلاحی ریاست ناجوڑ کننگ کن متاماری کننگ ءِ۔
