اسلام آباد۔ 11مئی (اے پی پی) وزیراعظم عمران خان پارینے کہ اونا حکومت مافیا و زوراور تپہ نا برخلاف مون تننگ ءِ۔ داتم اسکان 27ارب روپئی مالیت نا 21000ایکڑ سرکاری ڈغار کوزہ گیر آتیا واگزار کرفنگانے۔ اوداخیال آتا درشانی ءِ سے شنبے نادے آ ٹی وی آ ”نما وزیراعظم، نم تون اوار“ پروگرام اٹی براہ راست الس نا سوج آتا ورندی ءِ ترسا کرے۔ وزیراعظم پارے کہ مستین اٹ وزیر و بااثربندغ سرکاری ڈغارتیا ناروا کوزہ کرسا کرینو۔ اوپارے کہ ساڑی حکومت کوزہ گیر آتا برخلاف سخت کارروائی کننگ ءِ و ارب آ روپئی مالیت نا سرکاری ڈغارتے واگزار کرفنگانے۔ اوپارے کہ داتم اسکان 27ارب روپئی مالیت نا 21000ایکڑ سرکاری کوزہ گیر آتیان واگزار کرفنگا۔ اوپارے کہ کوزہ گیر آتا برخلاف کارروائی ءِ برجاتخنہ۔
