اسلام آباد۔ 11 مئی (اے پی پی) تدوک آ بیست ءُ چار گھنٹہ ٹی کورونا دین انا سوب آن پنجاب آن پد خیبرپختونخوا ٹی غٹ آن زیات مرک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 113 مرک مس ہرافتیان 49 مرک وینٹی لیٹر آتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 3 ہزار 84 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تے ٹی  وینٹی لیٹر آتیا کوویڈ۔ 19 نا ناجوڑ آتا کچ انا لحاظ اٹ ملتان اٹی 70 درسد، لاہور اٹی 64درسد، پشاور اٹی 40 درسد و گوجرانوالہ ٹی 59 درسد ناجوڑ ءُ۔ ہنداوڑاٹ ملک انا چار بھلا شار تے ٹی آکسیجن نا آسراتی والاکٹ آتیا کورونا نا مثبت کیس آتا کچ انا لحاظ اٹ پشاور اٹی 52 درسد، صوابی ٹی 52 درسد، گوجرانوالہ ٹی 54 درسد و ملتان اٹی 64 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 38 ہزار 883ٹیسٹ کننگا ہرافتیان سندھ اٹی 12 ہزار 743،پنجاب اٹی 16 ہزار 594، خیبرپختونخواہ ٹی 5 ہزار 326، اسلام آباد اٹی 2 ہزار 515، بلوچستان اٹی 1 ہزار 98، گلگت بلتستان اٹی 285، آزاد کشمیر اٹی 322 ٹیسٹ اوارءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 7 لکھ 66 ہزار 492مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آتیااف وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 607 ناجوڑ ءُ۔ مچ آ ملک اٹی کوویڈ۔ 19نا ایکٹیو کیس آتا کچ 78 ہزار 959ءِ۔ مچ آ ملک اٹی کورونا دین آن زہمی بندغ آتا کچ 8 لکھ 64ہزار 557 ءِ ہرافتیان آزاد کشمیر اٹی 17ہزار 984، بلوچستان اٹی 23 ہزار 534، گلگت بلتستان اٹی 5 ہزار 401، اسلام آباد اٹی 78 ہزار 382، خیبرپختونخوا ٹی 1 لکھ 24 ہزار 979، پنجاب اٹی 3 لکھ 20 ہزار 851 و سندھ اٹی 2 لکھ 93 ہزار 426ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 19 ہزار 106 ءِ ہرافتیان سندھ اٹی 4 ہزار 753مرک وخت اس کہ تدوک آ بیست ءُ چار گھنٹہ ٹی 9 ناجوڑ ہسپتال آتے ٹی و 2 ناجوڑ اُراتے ٹی قرنطینہ ٹی دادین آن زوال کریر، پنجا ب اٹی 9 ہزار 125 مرک وخت اس کہ تدوک آ بیست ءُ چار گھنٹہ ٹی 53 ناجوڑ ہسپتال آتے ٹی و 14 ناجوڑ اُراتے ٹی قرنطینہ ٹی دادین آن زوال کریر، خیبرپختونخوا ٹی 3 ہزار 644 وخت اس کہ تدوک آ بیست ءُ چار گھنٹہ ٹی 27 ناجوڑ ہسپتال آتے ٹی وخت اس کہ 2 ناجوڑ اُراتے ٹی قرنطینہ ٹی دادین آن زوال کریر، اسلام آباد اٹی کل 716وخت اس کہ تدوک آ بیست ءُ چار گھنٹہ ٹی 1 ناجوڑ اس ہسپتال اٹی داد ین آن زوال کرے، بلوچستان اٹی 253مرک وخت اس کہ تدوک آ بیست ءُ چار گھنٹہ ٹی 5 ناجوڑ ہسپتال آتے ٹی دادین آن زوال کریر، گلگت بلتستان اٹی 107 مرک، آزاد کشمیر اٹی دا دین آن 508 مرک مس۔ داتم اسکان مچ آ ملک اٹی کوویڈ۔ 19 نا 1 کروڑ 22 لکھ 67 ہزار 310 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 639ہسپتال آتے ٹی 5 ہزار 353ناجوڑ درمان مننگ ءُ۔

متعلقہ مضامینمصنف کی طرف سے مزید