اسلام آباد۔ 11 مئی (اے پی پی) وزیراعظم نا سلاہکار واپار عبدالرزاق داؤد پارینے کہ اینخو مالی سال انا 9 تُو اٹی امریکہ کن برآمد آتے ٹی 29 درسد ودکی مسنے۔ سے شنبے نادے آ داڑے اسہ ٹویٹ اسے ٹی اوپارے کہ امریکہ ننکن بھاز اہم ءُ مارکیٹ اسے اینخو مالی سال جولائی 2020ء آن اپریل 2021ء ٹی برآمدآک 29 درسد ودکی اتون 4092ملین ڈالر مسنو ہرا تدوک آ مالی سال انا ہندا مد اٹی 3173ملین ڈالر ریکارڈ کننگاسر۔ اوپارے کہ امریکہ کن برآمد آتے ٹی ودکی نا کریڈٹ ننا برآمد کنندگان آتے ملک ہرافک دا مشکل وخت اٹی تینا کوشست آتے اٹ برآمد آتے ٹی نمان ودکی کریر۔
