اسلام آباد۔ 11 مئی (اے پی پی) وزیر مملکت حوالکاری و شینکاری فرخ حبیب پارینے کہ ن لیگ دا تاثر تننگ ءِ کہ نیب عدالت اٹ پارینے کہ کمیشن نا معاملہ اف، داکیس تو کٹیا غان زیات میرات آتا ءِ، شہبز شریف داپاننگ کتو کہ ٹی ٹیز گدریفوک آ دیر ءِ، 7 ارب مالیت نا 75 ٹی ٹیز گدریفوک آک تو شاید لاہور ءِ ہم خمپرور ولے شریف برادران اوفتے کاغدآتے ٹی لندن آ سرکرینو، داسکان تو شریف فیملی نا برخلاف حدیبیہ پیپر ملز کیس ہم ری اوپن مننگ والا ءِ، نواز و شہباز وائٹ کالر کرپشن نا ماہرءُ، اوفک یونیورسٹی آف کرپشن اٹ وائس چانسلر بایدے مروسر۔ او نجی ٹی وی چینل تون گپ و تران کریکہ۔ وزیر مملکت حوالکاری و شینکاری فرخ حبیب پارے کہ ٹی ٹیز اِرا وڑنا ءُ، اسٹ کانود نا رداٹ ٹی ٹی گدریفنگک ہراٹی گدریفوک آ ہم مون آ بریک و اسہ ٹی ٹی اس ہند ن ءِ ہراٹی گدریفوک آنا ہچ سماتمپک، شہباز شریف نا کیس اٹی ہم حالیت دادے کہ 7 ارب نا 75 ٹی ٹیز گدریفوک آتا سماہی اف۔ اوپارے کہ ہر کیس اٹ عدالت مدام سوج ہریفک، فاضل جج اَرفک کہ ڈوہ انت ءِ تو اونا ورندی اویا آخا ٹی بریک، غٹ سوج آتا ورندی ءِ فیکٹس پاننگ مفک، عدالت انت اس کہ فیصلہ ٹی لکھک او حتمی مریک۔ اوپارے کہ نیب سیکشن 9 نا رداٹ شہباز شریف آن 7 ارب نا ٹی ٹیز نا ذریعہ ءِ اَریفنگ ءِ، اگہ شہباز شریف پبلک آفس ہولڈرز متوکہ خراج نا معاملہ مسکہ ولے 2008آن 2018ء اسکان وزیراعلیٰ رہینگانے، اونا مار، اُرائی و رشتہ دار آتیان ہم دابارواٹ اَریفنگ مریک۔ اوپارے کہ پاکستان اٹ رہینگوک آ جم آبادی نا 68 درسد کم کٹیا والا مخلوق ءِ، پی ٹی آئی حکومت اسہ نظام اس جوڑ کرے، 73 سال انا تاریخ اٹ مورٹ گیج انڈسٹری درستی راستی متو، داکاریم ءِ ہم ساڑی آ حکومت کرے۔
