اسلام آباد۔ 10 مئی (اے پی پی) تدوک آ بیست ءُ چار گھنٹہ ٹی کورونا دین انا سوب خیبرپختونخواغان پد پنجاب اٹی غٹ آن زیات مر ک ریکارڈ کننگا۔ مچ آ ملک اٹی تدوک آ بیست ءُ چار گھنٹہ ٹی کورونا دین آن 78 مرک مس ہرافتے آن 31 مرک وینٹی لیٹرآتیا ساڑی ناجوڑ آتا ئس۔ نیشنل کمانڈ اینڈ آپریشن سینٹر نا کنڈآن جاری حساب وکتاب نا رداٹ تدوک آ 24 گھنٹہ ٹی مچ آ ملک اٹی 3 ہزار 447 بندغ آتا کوویڈ۔ 19 ٹیسٹ مثبت بس۔ ملک انا 4 بھلا شار تے ٹی وینٹی لیٹر آتیا کوویڈ۔ 19 نا ناجوڑ آتا کچ انا لحاظ اٹ ملتان اٹی 69 درسد، لاہور اٹی 67 درسد، پشاور اٹی 50 درسد و گوجرانوالہ ٹی 79 درسد ناجوڑ ءُ۔ ہنداوڑاٹ ملک انا چار بھلا شار تے ٹی آکسیجن نا آسراتی والا کٹ آتیا کورونا نا مثبت کیس آتا کچ انا لحاظ اٹ پشاورا ٹی 52 درسد، سوات اٹی 44 درسد، گوجرانوالہ ٹی 51 درسد و ملتان اٹی 61درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 37 ہزار 756ٹیسٹ کننگا ہرافتیان سندھ اٹی 14 ہزار 486، پنجاب اٹی 10 ہزار 290، خیبرپختونخوا ٹی 8 ہزار 180اسلام آباد اٹی 2 ہزار 816، بلوچستان اٹی 1 ہزار 57، گلگت بلتستان اٹی 295، آزاد کشمیر اٹی 632ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 7لکھ 62 ہزار 105 مسنے۔ بلوچستان، آزاد کشمیر و گلگت بلتستان اٹی کوویڈ۔ 19 نااسہ ناجوڑ اس ہم داوخت آ وینٹی لیٹر آتیا اف۔ وخت اس کہ مچ آ ملک اٹی کوویڈ۔ 19 کن جتا وینٹی لیٹر آتیا 652 ناجوڑ ءُ۔ مچ آ ملک اٹی کوویڈ۔ 19 نا ایکٹیو کیس آتا کچ 80ہزار 375 ءِ۔ مچ آ ملک اٹی کورونا دین آں زہمی بندغ آتا کچ 8 لکھ 61 ہزار 473 ءِ ہرافتیان آزاد کشمیرا ٹی 17 ہزار 945، بلوچستان اٹی 23 ہزار 447، گلگت بلتستان اٹی 5ہزار، 388، اسلام آباد اٹی 78 ہزار 200، خیبرپختونخوا ٹی 1 لکھ 24 ہزار 484پنجاب اٹی 3 لکھ 19 ہزار 365و سندھ اٹی 2 لکھ 92 ہزار 644 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 18 ہزار 993ءِ ہرافتیان سندھ اٹی 4 ہزار 742مرک وخت اس کہ تدوک آ بیستءُ چار گھنٹہ ٹی 13 ناجوڑ ہسپتال آتے ٹی و 3 ناجوڑ اُراتے ٹی قرنطینہ ٹی دادین آن زوال کریر۔ پنجاب اٹی 9 ہزار 58 مرک وخت اس کہ تدوک آ بیست ءُ چار گھنٹہ ٹی 20 ناجوڑ ہسپتال آتے ٹی و 6 ناجوڑ اُراتے ٹی قرنطینہ ٹی دادین آن زوال کریر، خیبرپختونخوا ٹی 3ہزار 615وخت اس کہ تدوک آ بیست ءُ چار گھنٹہ ٹی 26 ناجوڑ ہسپتال آتے ٹی وخت اس کہ اسہ ناجوڑ اس اُراٹی قرنطینہ ٹی دادین آن زوال کرے۔ اسلام آباد اٹی ککل 715 وخت اس کہ تدوک آ بیست ءُ چار گھنٹہ ٹی 7 ناجوڑ ہسپتال آتے ٹی دادین آن زوال کریر۔ بلوچستان اٹی 248مرک وخت اس کہ تدوک آ بیست ءُ چار گھنٹہ ٹی 1 ناجوڑ اس ہسپتال اٹی دادین آن زوال کرے۔ گلگت بلتستان اٹی 107مرک، آزاد کشمیر اٹی دا دین آن 508 مرک تدو ک آ بیست ءُ چار گھنٹہ ٹی 1 ناجوڑ اس ہسپتال اٹی دادین آن زوال کرے۔ داتم اسکان مچ آ ملک اٹی کوویڈ۔ 19 نا 1 کروڑ 22 لکھ 28 ہزار 428 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 639 ہسپتال آتے ٹی 5 ہزار 342 ناجوڑ درمان مننگ ءُ۔
