اسلام آباد۔ 10 مئی (اے پی پی) بنجائی وزیر انسداد منشیات اعجاز احمد شاہ کوئٹہ و تربت اٹ دہشت گردی نا واقعہ غاتا ترندانگا لوز آتے ٹی مذمت ءِ کرسا دہشت گردی ناواقعہ غاتے ٹی ایف سی نا ورناتا شہیدی آ است ہسونی نا درشانی ءِ کرینے۔ دوشنبے نادے آ تینا اسہ بیان اسے ٹی بنجائی وزیر پارے کہ ملک دشمن زموار آک تینا ناپاک عزم اٹ اسل سرسہب مفسہ، دہشت گردی نا برخلاف جنگ اٹ مچ آ قوم تینا سیکورٹی فورس آتون سلوک ءِ۔ اوشہید آتا خاہوت آتون ہڑزخواہی کرسا دامشکل ساہت اٹ نمکن دعا کننگ اُن۔ اوشہید آتا درجہ غاتا بڑزی و ٹھپی تا زوت دراخ جوڑی کن دعاہم کرے۔
