راولپنڈی۔ 10 مئی (اے پی پی) پاک فوج انا سروک جنرل قمرجاوید باجوہ تون برطانوی چیف آف ڈیفنس اسٹاف جنرل سرنکولس پیٹرک کارٹر اوڑدہی کرے ہراٹی تین پہ تینی است خواہی نا امور، علاقائی سلامتی نا حالیت خاص وڑاٹ اوغان امن عمل و ہڑتوم آ کنڈآتا کمکاری ءِ پین ودفنگ نا باندات آ گپ وتران کننگا۔ پاک فوج انا شعبہ تعلقات عامہ نا رداٹ پاک فوج انا سروک جنرل قمر جاوید باجوہ پرنس فلپ نا کزیت آ ہڑزخواہی کرے و پارے کہ دنیا اسہ بڑزکو قابل احترام دوست اسے آن محروم مسنے۔ شرفمندآ مہمان علاقائی امن و سوگوی خاص وڑاٹ اوغان امن عمل کن پاکستان نا سنجیدہ کوشست آتا ستاءِ کرے۔ پاک فوج انا سروک جنرل قمر جاوید باجوہ پاکستان اٹی کوویڈ۔ 19 نا برخلاف جنگ اٹ برطانیہ نا کمکاری آ شرفمند آ مہمان نا منت واری ءِ ہرفے و پارے کہ پاک فوج برطانیہ تون تینا دوستانہ تعلقداری تا بھاز قدر ءِ کیک۔
