مکہ۔ 09 مئی (اے پی پی) وزیراعظم عمران خان پارینے کہ پیشن نا ملک رہینگوک آ پاکستانی پردیسی تا راجی آسراتی حکومت نا اولیت آتے ٹی اوار ءِ، اوفتا ویل آتے ایسر و اوفتا لائخی تیان فائدہ ہرفنگ کن غٹ کوشست آتے کاریم اٹ اتنگک۔ پاکستانی پردیسیک درملکی ترسیلات زر اٹ غٹ آن بھلا شریدار ءُ، پردیسیک روشن ڈیجیٹل اکاؤنٹس کون آخصوصی اسکیم تیان فائدہ ہرفر۔ یک شنبے نادے آ جدہ ٹی پاکستانی سفارت خانہ نا کنڈآن پردیسی تا مچی آن تران کرسا وزیراعظم پارے کہ پاکستانی پردیسیک ننا میرات ءُ اوفتا حب الوطنی و پاکستان نا شونداری و شونہالی ٹی کڑد ستاکڑزک۔ وزیراعظم مسہ دہائی تیا تالان پیشن نا ملک رہینگوک آ پاکستانی تتون گپ وتران اٹی تینا جند انا آزموندہ غاتے دُوارہ پارے کہ پردیسیک ننا میرات ءُ اوفتا راجی آسراتی حکومت نا اولیت آتے ٹی اوار ءِ، اوفتا ویل آتے ایسر کننگ و لمہ وطن نا فائدہ ٹی اوفتا لائخی تیان فائدہ ہرفنگ نا غٹ تر گام گیج آتے پک کننگک۔
