اسلام آباد۔8مئی (اے پی پی):صدر مملکت ڈاکٹرعارف علوی ءَ کانود ءِ آرٹیکل 89 ءِ چیر دستی ءَ مات ءُ پت آنی رکھینگ ءِ آرڈیننس 2021 جاڑی کت۔ آرڈیننس ءِ مول ءُ مراد زھگ آنی نیمگ ءَ چہ مات ءُ پت آناں زبردستی گس آں چہ در کنگ ءِ ھلاپ ءَ رکھین ایت ءُ آسراتی پجاری کنت۔ شمبے ءِ روچ ءَ ایوان ءِ صدر ءِ پریس ونگ ءِ نیمگ ءَ جاڑی بوتگیں بیان ءِ رد ءَ آرڈیننس ءِ چیر دستی ءَ مات ءُ پات آناں گس آں چہ در کنگ یک جرم ءِ سما بیت۔ مات ءُ پت آناں گس ءَ چہ ڈن در کنگ ءَ یک سالے کیز، جرمانہ یا دوئیں سزا دیگ بنت۔ گس زھگ آنی ملکیت بہ بیت یا کرایا والا ایں مات ءُ پت آناں انگت ڈن ءَ در کنگ بوت نہ کنت۔
