جدہ۔8مئی (اے پی پی):پاکستان ءُ سعودی عرب ءِ نیام ءَ دو نیمگی یکوئی ءُ کمک آناں گیش برجم جوڑ کنگ ءِ واستہ ڈلی تک ءَ گپ ءُ تران کنگ بوت۔ پاکستانی ءِ نیمگ ءَ مزن وزیر عمران خان وھدیکہ سعودی عرب ءِ نیمگ ءَ سعودی شہزادہ محمد بن سلمان عبدالعزیز ءَ ڈلی تک ءَ اے گپ ءُ تران آنی تہ ءَ سعودی ڈل ءِ سروکی کت۔ گپ ءُ تران ءَ دونیمگی روگ ءُ آیگ ءَ ھوار تجارت، سرمایہ کاری، ھاٹیگ ، پاکستانی مزور آنی واستہ روزگار ءِ ھوالگ ءَ گپ ءُ تران کنگ بوت۔ مزن وزیر عمران خان وزیر ءِ درئی کار شاہ محمود قریش، وزیر ءِ توکی کار شیخ رشید احمد ءُ سینیٹر فیصل جاوید ءِ ھمبراھ سعودی ولی ءِ داتگیں دعوت ءِ پد ءَ سعودی عرب ءِ سئے روچی تر ءُ تاب ءَ انت۔ مزن وزیر عمران خان تر ءُ تاب ء، ساھت ءَ اسلامی کمکی گل او آئی سی ءِ سیکرٹری جنرل ڈاکٹر یوسف، ورلڈمسلم لیگ ءِ سیکرٹری جنرل محمد بن عبدالکریم ءُ حرمین شریفین ءِ مسیت آنی پیش امام آں گوں گند ءُ نند کنت گوں۔ مزن وزیر جدہ ءَ نندوکیں پاکستانی آں گوں گند ءُ نند کنت گوں۔ آ امبرہ ءِ کنگ ءَ پد مدینہ شریف ءَ رسول کریم ءِ گڈی آرام جاہ ءِ زیارت ءَ کنت ۔
