جدہ۔8مئی (اے پی پی): مزن وزیر عمران خان سعودی عرب ءِ سئے روچی تر ءُ تاب ءِ ھاترا آدینگ ءِ روچ ء۔ جدہ ءَ پج ات۔ جدہ ائیر پورٹ ءِ سر ءَ آئی ءَ را وش اتک کنگ بوت۔ سعودی ولی شہزادہ محمد بن سلمان ءَ مزن وزیر ءَ را وش اتک کت۔ سعودی ولی شہزادہ محمد بن سلمان ءِ دعوت ءِ پد ءَ مزن وزیر عمران خان تر ءُ تاب ءِ ساھت ءَ سعودی سروک آں گوں گند ءُ نند کت ایشی ءِ اندر ءَ دوئیں نیمگ ءِ روگ ءُ آیگ، وت مہ وتی واھگی کار ءُ میاں اوستمانی کار آنی سر ءَ ھیال ریچی کنگ بیت، تجارت، سرمایہ کاری، ھاٹیگ ، پاکستانی مزور آنی واستہ روزگار ءِ امیت ءُ سعودی عرب ءَ نندوکیں پاکستنای آنی گہبود ءَ ھوار دو نیمگی یکوئی آنی سر ءَ شو ر ءُ مشور ھم کنگ بیت۔ تر ءُ تاب ء، ساھت ءَ جتا جتائیں منوگری، تپاک نامہ آنی سر ءَ دست چنگل ھم جنگ بیت۔ مزن وزیر عمران خان ءِ تر ءُ تاب ءِ ساھت ءَ امبرہ ھم کنت گوں، درئی کارانی کارگس ءِ بیان ءِ رد ءَ مزن وزیر عمران خان وتی تر ءُ تاب ءِ ساھت ءَ اسلامی کمکی گل او آئی سی ءِ سیکرٹری جنرل ڈاکٹر یوسف العثمین ، ورلڈ مسلم لیگ ءِ سیکریٹری جنرل محمد بن عبدالکریم العیسی، مکہ شریف ءُ مدینہ شریف ءِ مسیت ءِ پیش امام آں گوں گند ءُ نند کنت گوں، مزن وزیر جدہ ءَ پاکستانی آں گوں گند ءُ نند کنت۔
