جدہ۔7مئی (اے پی پی): مزن وزیر عمران خان سئے روچی تر ءُ تاب ءِ ھاترا سعودی عرب ءَ پج ات۔ مزن وزیر ھاسیں کمکار شہباز گل ءِ ٹویٹ ءِ رد ءَ مزن وزیر سعودی ولی شہزادہ محمد بن سلمان بن عبدالعزیز ءِ دعوت ءِ پد ءَ آدینگ ءِ روچ ءَ سعودی عرب ءَ پج ات۔ مزن وزیر عمران خان تر ءُ تاب ءِ ساھت ءَ سعودی سروک آں گوں گند ءُ نند کت ایشی ءِ اندر ءَ دو نیمگی رابطہ، وت مہ وتی واھگی کار ءُ میاں اوستمانی کار آنی سر ءَ ھیال ریچی کنت انت وھدیکہ تجارت، سرمایہ کاری ، ھاٹیگ ، پاکستانی مزور آنی واستہ روزگار ءِ ھوالگ ءُ سعودی عرب ءَ نندوکیں پاکستانی آنی گہبود ءَ ھوار دو نیمگی یکوئی آنی سر ءَ شور ءُ مشور ھم کنت گوں۔ اے تر ءُ تاب ءِ ساھت ءَ بازیں منوگری آنی سر ءَ دست چنگل ھم جنگ بیت۔ مزن وزیر عمران خان تر ءُ تاب ءِ ساھت ءَ امبرہ ھم کنت گوں۔ درئی کارانی کارگس ءِ بیان ءِ رد ءَ مزن وزیر عمران خان وتی تر ءُ تاب ءِ ساھت ءَ اسلامی کمکی گل او۔ آئی ۔ سی ءِ سیکرٹری جنرل ڈاکٹر یوسف العثمین ، ولڈ مسلم لیگ ءِ سیکریٹری جنرل محمد بن عبدالکریم العیسی، مکہ شریف ءُ مدینہ شریف ءِ مسیت آنی پیش امام آں گوں گند ءُ نند کنت ۔ مزن وزیر جدہ ءَ پاکستانی برات آں گوں گند ءُ نند ھم کنت انت۔
