جدہ۔8مئی (اے پی پی): وزیر ءِ درئی کار مخدوم شاہ محمود قریشی ءَ گوشت کہ مزن وزیر عمران خان ءِ شہزادہ محمد بن سلمان ءِ گوما گند ءُ نند بوت ایشی ءِ توک ءَ آئی ءَ کابینہ ءِ باسک ھم ساڑی اتنت، منی سعودی وزیر درئی درئی کار شہزادہ فیصل بن فرحان آل سعود ءِ گوما گند ءُ نند ءِ بوتگ۔ مزن وزیر عمران خان ءُ ولی شہزادہ محمد بن سلمان ءِ نیام ءَ یک وت مہ وتی یاتگیری آنی سر ءَ دست چنگل جنگ بوت ایشی ءِ رد ءَ سعودی عرب ءُ پاکستان ءِ نیام ءَ یک مزن تکی کوآرڈینیشن کونسل ءِ برجائی ءِ بنگیج کنگ بیت۔ سعودی عرب پاکستان ءَ را “سعودی ڈویلپمننٹ فنڈ ءَ چہ 500 ملین ڈالر زر پجاری کنت انت۔ سعودی عرب ءَ را آیوکیں دھ سال ءِ ساھت ءَ ، 10 ملین پکار بیت، اے لوٹ بوتگیں ورک فورس ءِ گیشتریں بھر پاکستان ءَ چہ گرگ بیت۔ اے ھیالانی درشانی آئی ءَ وزیر ءِ درئی کار ءَ جدہ ءَ مزن وزیر ءِ سعودی عرب ءِ تر ءُ تاب ءِ ءِ ھوالگ ءَ ھاسیں میڈیا ٹاک ءِ ساھت ءَ کت۔ آئیءَ گوشت کہ ڈلی تک ءَ سول ءُ تران ءَ چہ پد مئے یک سمال گروپ گند ءُ نند ءِ بوتگ، اے گند ءُ نند ءَ مزن وزیر عمران خان ، آرمی چیف ءُ من وت ساڑی اتنت۔ اے گند ءُ نند ءَ اوگان ایمنی کار ءَ ھوار پڑے جاور ھال آنی سر ءَ ھیال ریچی کنگ بوت، سعودی وزیر درئی کار ءَ اے بابت ءَ پڑ ءَ استیں چست ءُ ایر آنی ھوالگ ءَ سئیگ ءُ سرپد کت۔ مرچی مزن وزیر عمران خان ءُ ولی شہزادہ محمد بن سلمان ءِ نیام ءَ یک تپاک نامہ ءِ سر ءَ دست چنگل جنگ بوتگ ۔
