پاکستان و میانمار نا نیام اٹ سفارتی تعلقداری ساڑی ئِ ، تین پہ تینی واپار ئِ ودفنگ اٹی وخت لگک
اسلام آباد۔ 22مارچ (اے پی پی) بنجائی وزیر واپار انجینئر خرم دستگیر خان پارینے کہ پاکستان و میانمار نا نیام اٹ سفارتی تعلقداری ساڑی ئِ۔ چارشنبے نا دے قومی اسمبلی ٹی وقفہ سوج آتیٹی خالدہ منصور نا سوج انا ورندی ٹی بنجائی وزیر واپار خرم دستگیر خان پارے کہ پاکستان و میانمار نا نیام اٹ واپار سال آتیان بیرہ پن انا مسنے۔ ہڑتوم آ ملک آتا نیام اٹ واپاری توازن کم و ود سلیس۔ اونا بنداوی سوب ساڑی آ وخت آتیٹی جمہوری نظام نا کنڈآ گدریفنگ نا باوجود ملک اٹی نزوری ئِ۔ 2015-16ءٹی میانمار ئِ پاکستان برآمد 10.9 ملین امریکی ڈالر ئس وخت اس کہ درآمد 26ملین امریکی ڈالر ئس۔ پاکستان آسیان نا پورو مذاکراتی شریک جوڑ مننگ کن کوشست کرینے ہراڑکن او آسیان نا بھلا شرکاءتون ہڑتوم آ کنڈآتامعاہدہ کننگ نا پالیسی اختیار کرینے۔ آسیان اٹی بھلا شرکاءتون جاری کوشست آتیان پد پاکستان نا میانمار تون رابطہ بارآور مریک۔ بنجائی وزیر پارے کہ واپار نا مون آ دننگ کن ہڑتوم آ ملک آتانیام اٹ وخت انا تعین ئِ کننگ مفک۔ ہڑتوم آ ملک آتا نیام اٹ سفارتی تعلقداری ساڑی ئِ وخت اس کہ ہڑتوم آ ملک آتا کنڈآن تین پہ تینی واپار ئِ ودفنگ اٹی وخت لگک۔
