اسلام آباد۔8مئی (اے پی پی): بنجاھی وزیر اھوالکاری ءُ شنگ کاری چوہدری فواد حسین ءَ گوشت کہ شہزادہ محمد بن سلمان ءِ نیمگ ءَ مزن وزیر عمران خان ءَ را وش اتک دوئیں سروک آنی نیام ءَ یکوئی ءُ دوستی ءِ درشان انت، سعودی عرب ءُ پاکستان دوئیں برات انت۔ شمبے ءِ روچ ءَ وتی ٹویٹ ءَ بنجاھی وزیر چوہدری فواد حسین ءَ گوشت کہ ایشانی نیام ءَ وت مہ وتی شرپ ءُ ازت ءُ یکوئی برجا انت، اے تر ءُ تاب ءَ چہ وت مہ وتی ءِ نوکیں کشک آنی تہ ءَ شاھیگانی آیگ ءِ سبب جوڑ بیت۔
