اسلام آباد۔7مئی (اے پی پی):مزن وزیر عمران خان ءَ پنت ءُ شون کت کہ اے وڑیں السی گہبودی ءُ دیمروئی منصوبگ آناں دیمروئی دیگ بہ بیت ھما آں چہ ملک ءِ پراھ ءُ شاھیگانیں دمگ آنی تہ ءَ معاشی چست ءُ ایر ءُ روزگار ءِ موہ آنی تہ ءَ گیشی بہ بیت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر عمران خان ءِ سروکی ءَ آیوکیں مالی سال ءِ پبلک سیکٹر ڈویلپمنٹ پروگرام ءِ ھوالگ ءَ استیں سپارش آنی بابت ءَ دیوان ءِ برجم دارگ بوت۔ دیوان ءَ بنجاھی وزیر ھزانگ شوکت ترین، بنجاھی وزیر منصوبگ بندی اسد عمر، بنجاھی وزیر برائے صنعت مخدوم خسرو بختیار، ھاسیں کمکار ڈاکٹر وقار مسعود ءُ کلانہ ایں اپسرگ آں بھر زوری کت۔
دیوان ءَ را استیں مالی سال ءَ پبلک سیکٹر ڈویلپمنٹ پروگرام ء، چیر دستی ء۔ دیمروئی ءَ استیں منصوبگ ءُ فنڈ آنی کارمردی، آیوکیں مالی سال ءِ دیمروئی پروگرام ءِ ھساب ءُ داد، نوکیں سکیم آنی ھوالگ ءَ اول سرئی کار رند ءُ بند دیگ، جاڑیگیں منصوبگ آنی سر ءَ دیمروئی کار آنی سر ءَ تران کنگ بوت۔ مزن وزیر عمران خان ءَ السی گہبود ءُ دیمروئی منصوبگ آنی بابت ءَ تران کت۔ مزن وزیر ءَ دیوان ءَ داتگیں شور ءُ مشور آنی سر ءَ لستیں پنت ءُ شون آنی رد ءَ آیوکیں دیوان آناں پکوئیں رنگ ءَ سہرا بوھگ ءِ پنت ءُ شون کت۔
