کوئٹہ۔ 07 مئی (اے پی پی) بلوچستان اٹی کورونا دین آن 3 ناجوڑ زوال کریر وخت اس کہ صوبہ ٹی 116 کورونا دین انا پوسکن ءُ کیس مون آ بس۔ محکمہ جان جوڑی بلوچستان نا کورونا دین سیل انا رپورٹ نار داٹ پنچ شنبے نادے آ صوبہ ٹی کورونا دین انا 1192ٹیسٹ کننگا ہرافتے ٹی کوئٹہ ٹی 62، خضدار اٹی 12، صحبت پور و سبی ٹی 11،11، گوادر اٹی 6، نصیر آباد اٹی 4،تربت و جعفر آباد اٹی اِرٹ، اِرٹ، چاغی، لسبیلہ، قلعہ عبداللہ، ژوب آن اسہ اسہ کیس رپورٹ مس اوکان پد صوبہ ٹی کورونا دین آن زہمی تا کچ 23016 مسنے وخت اس کہ صوبہ ٹی کورونا دین آن داتم اسکان 21361ناجوڑ دراخ جوڑ مسنو۔ رپورٹ نا رداٹ صوبہ ٹی کورونا دین انا پین 3 ناجوڑ زوال کرینو اوکان پد داتم اسکان کزیت کروک آتا جم کچ 243 مسنے وخت اس کہ صوبہ ٹی کورونا دین انا تالانی نا کچ 9.73درسد ئس۔
