اسلام آباد۔ 06 مئی (اے پی پی) صدر مملکت ڈاکٹر عارف علوی بھارتی قید اٹی کزیت کروک آ حریت راہشون محمد اشرف صحرائی نا کزیت آ ڈکھ و است ہسونی نا درشانی ءِ کرسا پارے کہ ایماندار کشمیر نا حق خودارادیت نا جہداٹ بھلو خذمت اس سرتس، پنچ شنبے نادے آ صدر مملکت تینا ہڑزخواہی بیان اٹی جہد آجوئی کشمیر کن خذمت آتیا ایماندار ءِ خراج عقیدت پیش کرے۔ صدر مملکت پارے کہ بھارت حریت سرکڑدہ غاتے قید اٹ تخسا آجوئی نا جوزہ ءِ توننگ کپک۔ بھارت نا ریاستی دہشت گردی و ظالمانہ چم آتا برخلاف اونا جہد ءِ یات تخنگک۔ اوپارے کہ بھارت قید حریت سرکڑدہ و بے گناہ کشمیری تے دمدستی یلہ کے۔ اقوام متحدہ و جہانی سرکڑدہ کشمیر اٹی انسانی حق انا بھلا خلا ف ورزی تا نوٹس ءِ ہلے و جہانی برادری کشمیر نا بابت تینا قول و زمواری تے پورو کے۔ صدر مملکت ایماندار نا درجہ غاتا بڑزی و خاہوت کن صبر و جمیل نا دعاکرے۔
