اسلام آباد۔20مارچ( اے پی پی) نوشہرہ ءَ ناشناسیں سلاھ بندیں مردمانی تیر گواری ءَ چہ 4مردم بیران بوتگ اَنت۔ جندی ٹی وی چینل ءَ گشتگ کہ نوشہرہ ءِ دمگ سپین خاک چراٹ ءَ 6سلاھ بندیں مردماں لال سید نامی مردمے ءِ لوگءِ سرءَ اُرش کتگ ءُ تیر گواری کتگ کہ ایشی ءِ نتیجگ ءَ 4مردم بیران بوتگ اَنت۔ پولیسءَ گشتگ کہ بیران بوتگیں مردمانی تہا لوگءِ واجہ لال سید ، آئی ءِ برات سرتاج خان ءُ 2راہگوزی حسن ایاز ءُ ضابطہ شاہ ھم بیران بوتگ اَنت۔ جون آناں تپاسگ ءِ ھاترءَ نزیکیں نادراھ جاھ سرکنگ بوتگ ، وئیل دیریگیں دژمنی بوت کنت جنوکانی دزگیری ءِ ھاترءَ کاروائی بندات کنگ بوھگءَ اِنت۔
