اسلام آباد۔20مارچ( اے پی پی) مز ن وزیر محمد نواز شریف ءَ پاکستان ۔اوگانستان سیمسرءَ را زوت پچ کنگءِ پرمان جاری کتگ اَنت۔ مزن وزیر کارگس ءِ ھال درپڑءِ نیمگءَ چہ دوشمبےءِ روچءَ جاری بیانءِ تہا مزن وزیر ءَ گشتگ کہ ا ے گپ ءَ ابید کہ پاکستانءَ انوگیں بوتگیں ناشرکاری ءِ وئیلانی تہا اوگان سرڈگار یءَ استیں پاکستان ءِ دژمن آنی دستے مان ، مہ اے گپءَ سرپد بں کہ دوھیں ملک آنی درنیام ءَ بازیں وھداں چہ مذہبی، دودءُ ربیدگی ءُ راج دپتری نزیکی ءُ سیادی ءِ ر دءَ دیراں تاں سیمسرانی بند بوھگ اُلسی ءُ معاشی تاوان اِت چیاکہ مہ پیسلہ کتگ کہ ھیری ءِ جزبگ ءِ ردءَ اے سیمسر زوت پچ کنگ بہ بنت۔ مزن وزیرءَ گشتگ کہ مہ اُمیت کن اَنت کہ اے سوب آنی ھاترءَ کہ اے گامگیج چست کنگ بوتگ ایشی ءِ گرءُ دارءِ ھاترءَ اوگانستان حکومت دراھیں ضلوری گامگیجاں کنت۔آئی ءَ گشتگ کہ مہ مدام اے جزم ءِ درشانی کتگ کہ پاکستان ءِ تہا امنءُ ایمنی ءُ سلامتیءِ ھاترءَ اوگانستانءَ ھم امن ءُ ایمنی بوھگ المی اِنت ءُ مہ دوھیں ملک آں ناشرکاری ءِ ھلاسی ءِ ھاترءَ اوگان حکومت ءَ گوں کمک ءِ پالیسی آنی سرءَ عمل درآمد ءَ جاری دار اَنت۔
