اسلام آباد۔ 19مارچ (اے پی پی) بنجائی وزیر امور کشمیر و گلگت بلتستان چوہدری محمد برجیس طاہر پارینے کہ وزیراعظم محمد نواز شریف تینا ولولہ انگیز سروکی اٹ مچ آ پاکستانی قوم ئِ یکجا کرینے۔ یک شنبے نا دے میڈیا نا نمائندہ غاتون ہیت وگپ کرسا اوپارے کہ اہم قومی معاملہ غاتیا محمد نواز شریف ہمیشہ پاکستان نا غٹ سیاسی سروک آتے پت اٹی ہلسا فیصلہ سازی کرے ہرانا سوب اینو سوست آن گوادر مچ آ پاکستانی قوم اٹی اہم قومی معاملہ غاتیا تین پہ تینی اتفاق خننگک۔ اوپارے کہ مسلم لیگ (ن) نا حکومت 2013ءٹی ہراتم برسراقتدار بس تو ہمووخت پاکستان ئِ دہشت گردی و توانائی تنکی کون آ بھلا چیلنج آتون مون تروکی ئس ہرافتیا حکومت جوان وڑاٹ تقریباََ مون ئِ تا تورینے۔ بنجائی وزیر پارے کہ ساڑی شونداری و شونہالی نا سفر نا غٹ آن بھلا زیب داری دادے کہ شونداری و شونہالی نا دا سفر اٹی پاکستان نا پدتموک آ علاقہ غاک پبی وڑاٹ اوار ئُ و اینو پاکستان نا پسماندہ و مر مر انگا علاقہ غاتیٹی تاریخ نا غٹ آن بھلا وسیلہ غاتے خڑچ کننگ انگ ئِ۔ اوپارے کہ بیرہ بلوچستان اٹی ہزار آ کلو میٹر مریس روڈ آتا نیٹ ورک آ ارب آ روپئی خڑچ کننگ انگ ئِ داکان بیدس آخبت خڑک اٹی گوادر شار جدید پاکستان نا عکاسی ئِ کیک ہراڑآن قومی یکجہتی ٹی پبی ودکی مریک ۔ اوپارے کہ داکان بیدس ملک انا ایلو پسماندہ علاقہ غاتا شونداری آ ہم پبی چکار تخنگ انگ ئِ ہرانا غٹ کریڈٹ محمد نواز شریف نا سروک ئِ کائک۔ چوہدری برجیس طاہر پارے کہ الس نا پبی خذمت و پاکستان ئِ شونہال جوڑ کننگ نا عزم آ عملدرآمد نا سوب مسلم لیگ (ن) 2018 ءنا گچین کاری تیٹی پبی وڑاٹ سرسہب مریک و ملک اٹی عمران خان کون آ سیاسی راہشون تے سخت بے سہبی تون مون تروئی تمک ہرانا مسخت تینا مخصوص ایجنڈا نا پوروی کن ملک ئِ شونداری و شونہالی نا سفر آن ڈیل ریل کننگ نا ئِ۔
