خاران۔18مارچ(اے پی پی)بُنجاھی وزیرریاستی کار ئُُ سیم سرئی کار جنرل (ر)عبدالقادر بلوچ ئَ گوشت کہ سی پیک بلوچستان ئِ کسمت ئَ مٹ کنت، مزن وزیر پاکستان محمد نواز شریف ئِ دیمروئی ئِ پالیشی آنی سبب ئَ دیمروئی ئِ گام ترندی ئَ گوں جنزگ ئَ اَنت۔ اے ھیالانی درشانی آئی ئَ خاران ئِ تر ئُُ تاب ئِ موہ ئَ ٹولہ آں گوں کُت اَنت ئُُ پارٹی ئِ باسک آں گوں گند ئُُ نند ئِ ساھت ئَ ھیال ریچی ھم کُت۔ آئی ئَ گوشت کہ سرجمیں دُگنیا ئِ چم گوں میگاپروجیکٹ ئِ سر ئَ اَنت ئُُ انوگیں گوادر ئِ تر ئُُ تاب ئِ ساھت ئَ مزن وزیر ئَ اربانی کساس ئَ زرّ دیمروئی منصوبگ آنی سر ئَ دیگ ئِ جار جتگ ئُُ بلوچستان ئِ نندوکیں مردم آنی دل گوں وت کتگ اَنت، مزن وزیر محمد نواز شریف بلوچستان ئِ دیمروئی ئَ ھاسیںواھگ دار ایت ئُُ نواز شریف ئِ تر ئُُ تاب ئَ صوبہ ئِ کوھنیں ڈلگچاری ئَ را ھلاس کنگ بیت ئُُ آیوکیں وھد ئَ گوادر یک جوانیں تجارتی بُنجاھ ئِ جوڑ بیت ئُُ ایشی ئِ تہ ئَ روزگار ئِ موہ پیداک بیت۔
