لاہور۔18مارچ(اے پی پی) دیمپانی ءُ پیداوار سائنس اینڈ ٹیکنالوجی ءِ بنجاھی وزیر رانا تنویر حسین ءَ گشتگ کہ چاگردءِ ازمتءِ ھاترءَ صحافی ءِ کرد سک باز ارزشت داریت، زُلم ءُ نہ ھقی ءَ را پدر کنگءُ دگنیاءِ دیمءَ آرگ صحافی آنی فرض اِنت، زُلم ءُ نہ ھقی اگاں حکومتءِ نیمگءَ چہ بہ بیت، انتظامیہءِ نیمگءَ چہ یا دگہ نیمگے ءَ چہ بہ بیت ایشیءَ را چست کنگ ءُ پدر کنگ لوٹ ایت، 1999ءَ چہ گیش 2013ءَ ملک بازیں جیڑھءُ جنجالانی آماچ بوتگ۔ معیشت ھراب، ادارگ اوشستءِ آماچ، لین ءِ پدمنتگی وھدے کہ ناشرکاریءَ ملک ءَ را پتاتگ بوتگ ، دگنیاءَ پاکستا نءَ را نفرت ءِ گوما چارگءَ بوتگ، حکومتءَ شپ ءُ روچ جہد کتگ ءُ ملکءَ را جیڑھءُ جنجالاں چہ درکتگ ، مرچی ملکءِ تہا اھچ سیاسی کیزی نیست، ھال در، جمہوریت ءُ سیاست آزات اَنت ءُ پاکستان دیمروئی ءِ نیمگءَ رھادگ اِنت، آ شمبےءِ روچءَ شیخوپورہ پریس کلب ءِ نوک گچین بوتگیں عہدگ داراں گوں سوگند چست کنگءِ مراگشءَ گوں تران کنگءَ بوتگ۔
