اسلام آباد۔18مارچ( اے پی پی) دری کارانی صلہ کار سرتاج عزیز ءَ دولت مشترکہ ءِ بنکی ارزشت ءَ را پدر کنگءَ ایکشن گروپ ءِ کردءَ را ساڑاتگ ءُ گشتگ کہ پاکستان امن ءُ ایمنی، دیمروئی ءُ جمہوریت ءِ دیم ءِ برگءَ دولت مشترکہ ءُ آئی ءَ گوں بندوکیں گلانی کردءَ رامزنیں ارزشت دنت۔ لندن ءَ چہ اتکگیں یک کلوھ ءِ ردءَ امور خارجہ ءِ ھوالگءَ مزن وزیرءِ صلہ کارءَ اے گپ لندن ءَ دولت مشترکہ وزارتی ایکشن گروپ ءِ 50می اجلاسءَ گوں تران کتگءُ گشتگ۔ آئیءَ دولت مشترکہ سیکرٹریٹ ءُ باسکیں ملک آنی درمیانءَ یکوئی ءَ نزیکی کنگءِ ارزشت ءِ سرءَ زور پِر دنت۔ برطانیہ ءَ پاکستان ءِ ہائی کمشنر سید ابن عباس ھم دری کارانی صلہ کارءِ ھمراھ بوتگ۔ قبرص ءِ دری کارانی وزیر ءِ سروکیءَ بوتگیں اجلاسءِ تہا دولت مشترکہ ءِ بازیں بازیں ملک آنی دری کارانی وزیر ءُ صلہ کارھوار بوتگ اَنت۔ دولت مشترکہ ءِ سیکرٹری جنرل پیٹریسیاسکاٹ لینڈ ءَ ڈل آناں جمہوری عمل ءَ را مھکم کنگءِ مول ءُ مراد ءَ چہ باسکیں ملک آنی گوما یکوئیءَ نزیکی کنگءِ ھوالگءَ سرپد کتگ۔
