لاہور۔18مارچ( اے پی پی) منصوبہ بندی ءُ دیم روئی ءِ بنجاھی وزیر ، دیم روئی ءُ اصلاحات پروفیسر احسن اقبالءَ گشتگ کہ پلاننگ کمیشن یو ایچ ایس کمیشن ءِ لاشاہ کاکو ءِ ھاترءَ 813ملین ءِ گرانٹ پھجارینگءَ اِنت کہ ایشی ءِ ردءَ 6منزلہ اکیڈمک بلاک گرلز ہوسٹل ءُ سروس ایریا ز ءُ اندیگہ کارانی سرءَ ھرچ کنگ بنت، تعمیراتی کارءِ سرءَ گیشاں چہ گیش 41کروڑ کلدارءِ ھرچ کیئت ءُ کم ءُ گیش یک سالے ءِ تہا سرجم بیت، یو ای ایس ءِ نوکیں کیمپس ءِ پرائی 50ایکڑ اِنت ءُ ایشی ءِ بندگ ءُ جوڑ کنگ ہائرایجوکیشن کمیشن ءِ ایس اے آر ایف پراجیکٹ ءِ ردءَ کنگ بوھگءَ اِنت، ایشی ءِ ھاترءَ مزن شاہ دربرجاھ ءَ را بھرآنی تہا 81کروڑ 31لکھ کلدارءِ گرانٹ دیئگ بیت ، اے پراجیکٹ اے کوشستانی بھرِ اِنت کہ ایشیءِ ردءَ وانگ ءُ زانگ پٹ ءُ پول ءُ ساچست ءِ سرءَ ھرچ کنگءَ اِنت۔ آ شمبے ءِ روچءَ یونیورسٹی آف ہیلتھ سائنسز لاہور ءِ کالاشاہ کاکو کیمپس ءِ تہا نوکیں اکیڈمک بلاک ، گرلز ہاسٹل ءُ کمرشل ایریا ءِ بُن اِشت ایر کنگءِ مراگش ءِ تہا ھاسیں مہمان بوتگ۔
