اسلام آباد۔ 17 مارچ (اے پی پی) مزن وزیر ئِ ھاسیں کمکار برائے درئی کار طارق فاطمی ئَ گوشت کہ پاکستان دیمروئی ئُُ وشھالی ئِ کشک ئَ گام جنگ ئَ اِنت ئُُ وتی توامیں ھمساھگیں ملک آنی گوما ایمنی ئُُ یکوئی ئِ گوما نندگ لوٹیت۔ اے گپ آئی ئَ آدینگ ئِ روچ ئَ فارن سروس اکیڈمی اسلام آباد ئَ برجم داشتگیں در ملکی سفارتکار آنی 25 بیست ئُُ پنچمی ایڈوانس ڈپلومیٹک کورس ئِ گریجویشن مراگش ئَ گشتانک دیان ئَ گوشت اَنت۔ دپلومیٹک کورس ئَ پنچ ٹوھیں سرڈگار آنی 25بیست ئُُ پنچ دوستیں ملک آں چہ 28سفارتکار آنی گروپ ئَ بھر زُرت۔ ھاسیں کمکار برائے درئی کار طارق فاطمی اے موہ ئَ ھاسیں مہمان اَت۔ اسلام آباد ئِ در ملکی سفیر، وزارت ئِ درئی کار آنی سینئریں کارندہ، نامداریں کلانہ، وانگ ئُُ زانگ ئِ بلدکار ئُُ اکیڈمی ئِ فیکلٹیئِ باسک آں ھم مراگش ئَ بھر زُرت۔
