اسلام آباد۔25مارچ (اے پی پی): مزن وزیر عمران خان ءَ جوانیں پریڈ ءِ بست ءُ بند ءِ پد ءَ سئیں سلاھ بندیں ارد ءُ انتظامی کنوک آناں مبارک بات دیان ءَ گوشت کہ ما یک راجے آں، یکوئی ءَ چہ گیش دیم ءَ جنزان ءَ دیمروئی ءُ السی وشھالی ءِ منزل ءِ در جنگ ءِ واستہ جزمیگ انت۔ پنچ شمبے ءِ روچ ءَ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشتگ کہ پریڈ ءَ شریکیں تومیں شریکیں ءُ دوستیں ملک آنی اردی ٹروپ آں جوانیں پرفارمنس ءِ درشان کتگ۔ مزن وزیر ءَ گوشت کہ چاریں صوبگ آں ھوار آزات کشمیر ءُ گلگت بلتستان ءِ دود ءُ ربیدگ ءَ ساچی ءِ رنگ ءَ کتگ ءُ پیش داشتگ۔ پریٖڈ ءَ مئے دلیریں سلاھ بندیں ارد، نیوی ءُ فضائیہ ءِ جوانیں کار کرد ءُ کزبی ازمکاری ءِ دروشم سرجمیں دگنیا ءَ دیست۔ مزن وزیر ءَ گوشت کہ ما یک مشتیں راجے آں، یکوئی ءُ یکجائی ءَ راجی دیمروئی ءُ السی وشھالی ءِ منزل آں در جنگ ءِ واستہ جزمیگ آں۔
