اسلام آباد۔25مارچ (اے پی پی): مزن وزیر ءِ پنت ءُ شون ءِ رد ءَ احساس پروگرام ءَ گوزوکیں سئے ماہ آنی تہ ءَ ملک ءِ جتا جتائیں بھر آنی اندر ءَ 11 پناہ گاہ (شیلٹر ہومز) آنی بنگیج کتگ ایشانی تہ ءَ 5 پناہ گاہ (شیلٹر ہومز) کراچی ءَ ، 4 بلوچستان ءِ ضلع کوئٹہ، قلعہ عبداللہ، گوادر ءُ لسبیلہ ءَ وھدیکہ یک پناہ گاہ ءِ گلگت بلتستان ءُ خیبر پختونخوا ءِ ضلع سکردو ءُ مردان ءَ جوڑ کنگ بوتگ۔ ضلورت ءِ رد ءَ گیشاں چہ گیش مزور آں تاں پجاری ءِ واستہ اے پناہ گاہ کم کٹ کنوکیں ءُ مہاجر مزور آنی رہائشی دمگ آنی تہ ءَ جوڑ کنگ بوتگ انت۔ پناہ گاہ آنی سسا مزن وزیر ءِ بے وسیں ءُ کودکیں مردم آناں آسراتی ءُ ایشانی شرپ ءُ ازت ءَ را یک شل ءَ دارگ ءِ وژن ءِ درشان ءَ کنت۔ پناہ گاہ مردم آناں سرد ءُ گرمیں موسم ءِ وھد ءَ رکھین ایت۔ گوستگیں سال اگست ءَ مزن وزیر ءَ گریب آنی رکھینگ ءُ چاگردی رکھینگ ڈویژن ءَ را پناہ گاہ آنی کد ءُ بالاد ءَ را گہتر کنگ ءِ زمہ واری داتگ ات۔ ایشی ءَ چہ پد کار ترندی ءَ گوں کنگ بوت ءُ یک فریم ورک ءِ تیار کنگ بوت ایشی ءِ چیر دستی ءَ اسلام آباد ءَ توامیں پنچ پناہ گاہ آنی کد ءُ بالاد ءَ را اپ گریڈ کنگ بوت۔ گریب ڈویژن ءِ پالیشی فریم ورک تیار کت ءُ پاکستان بیت المال ءَ را ایشی ءِ سر ءَ کار کنگ ءِ زمہ واری دیگ بوت۔ گریبی ءِ ھلاس کنوک ءُ چاگردی رکھینوکیں ڈویژن ءِ نیمگ ءَ جاڑی بوتگیں پریس ریلیز ءِ رد ءَ مزن وزیر ءِ ھاسیں کمکار ڈاکٹر ثانیہ نشتر ءَ گوشت کہ اے پناہ گاہ یک تھت ءُ نپاد ءُ ارز بند ءِ ھمراھی ءَ وردن ءُ وراک ایش ساپ ءُ سلہئیں جاھے کہ آھوادا بنی آدم وتارا محفوظ مار ایت۔ ھمک پناہ جاہ ءَ 500 مردم ءَ را مپت ءَ نان ءُ ورگ ءُ شپ ءِ جھلگ ءِ ھاترا 100 تھت ءُ نپاد ءِ آسراتی است انت۔
