اسلام آباد۔ 25 مارچ (اے پی پی) پاکستان نا سلہہ بند فوج یوم پاکستان نا وخت آ شاندار ءُ پریڈ اس کرے، پریڈ اٹی ترک فوجی بینڈ، بحرین، فلسطین، عراق، سری لنکا و ترکی نا پیراٹر وپرز آک خاص وڑاٹ بشخ ہلکر، کمانڈر بحرین نیشنل گارڈ جنرل شیخ عیسیٰ بن خلیفہ، کمانڈریو نا اسٹریٹجک کمانڈ سرپیٹرک سینڈرز و چیف آف ڈیفنس اینڈ کمانڈر سری لنکن آرمی ئسک ہم پریڈ نا مشاہدہ ءِ کریر۔ شکرپڑیاں نا پریڈ گراؤنڈ اٹی قومی علم ءِ 21 توپ آتا سلامی پیش کننگا و 105فیلڈ ریجمنٹ قومی علم ءِ سلامی تسر۔ دود اٹی بری فوج انا سروک چیف آف آرمی اسٹاف جنرل قمر جاوید باجوہ نشان امتیاز(ملٹری)، چیئرمین جوائنٹ چیفس آف اسٹاف کمیٹی جنرل ندیم رضا، وائس چیف آف ایئر اسٹاف ایئرمارشل سید نعمان علی ہلال امتیاز(ملٹری)، چیف آف دی نیول اسٹاف ایڈمرل محمد امجد خان نیازی ہلال امتیاز(ملٹری) پریڈ آ سرمسر۔ اوکان پد روایتی بگل خلسا یوم پاکستان پریڈ نا مہمان خاص صدر مملکت ڈاکٹر عارف علوی نا بننگ نا پڑو ءِ کننگا ہرا خصوصی لال بھگی ٹی سوار مرسا پریڈ گراؤنڈ آ سرمس۔ پریڈ مہمان خاص صدر مملکت ءِ صدر سلامی پیش کرے و قومی ترانہ ءِ بنفنگا۔ قومی ترانہ غان پد قرآنی آیت آتا تلاوت اٹ دود انا باقاعدہ بناءِ کننگا۔ سلہہ بند فوج انا اسیجائییوم پاکستان پریڈ نا پریڈ کمانڈر مہمان خاص صدر مملکت ڈاکٹر عارف علوی تون پریڈ نا معائنہ نا درخواست کرے۔ یوم پاکستان پریڈ اٹی ایئر چیف مارشل نا کماشی ٹی فلائی پاسٹ نا مظاہرہ مس۔ ہراٹی پاک فضائیہ و پاک بحریہ نا جہاز آک فلائی پاسٹ کریر۔ صدر مملکت نا کنڈآن پریڈ نا معائنہ غان پد پاک فضائیہ و پاک بحریہ فلائنگ پاسٹ انا شاندار مظاہرہ کرے و پاک فوج انا دستہ غاک مارچ پاسٹ کریر وخت اس کہ پاکستان نا دفاعی سازو سامان تا نمائش ءِ ہم کننگا۔ کورونا دین انا پابندی تا سوب آن محدود کچ اٹی شونقی تے پریڈ اٹی بشخ ہلنگ نا موکل تننگا۔ دود اٹی چندی سیگمنٹس ءِ ظاہر کننگ کن ڈیجیٹل اسکرین خلنگا۔ پریڈ نا اسکرپٹ نا بناتحریک پاکستان آن مس و قیام پاکستان کن قربانی تروک آتے خراج تحسین پیش کننگا وخت اس کہ ہنگو نا اعتزاز حسن آنبار دہشت گردی نا برخلاف جنگ اٹی جان نا قربانی تروک آتے خراج تحسین پیش کننگا۔ دود اٹی مقبوضہ کشمیر نا کم سن پیلٹ گن زہمی حبانثار و اصفہ بانو ءِ خراج تحسین پیش کننگا وخت اس کہ نواب سراج رئیسانی، ہارون بلور و شجاع خانزادہ ءِ ہمت و عزم انا علامت نا وڑآ خراج تحسین پیش کننگا۔ پریڈنا تھیم اسہ قوم اسہ منزل چندی رنگ آتیٹی نظر بس۔ لیڈیز دستہ ٹی پولیس، رینجرز، اے این ایف و اے ایس ایف زالبول آفیسرآک اوار ئسر۔
